Gardar e abrir follas en HTML

Gardasr follas en HTML

O Calco do LibreOfficeDev garda todas as follas dun documento xuntas como documento en HTML. No comezo do documento en HTML engade automaticamente unha cabeceira e unha lista de hiperligazóns que levan ás follas individuais do documento.

Os números móstranse como están escritos. Ademais, na etiqueta de HTML <SDVAL> escríbese o valor numérico interno exacto para que cando se abra o documento en HTML co LibreOfficeDev vostede saiba que ten os valores exactos.

1. Para gardar o documento actual do Calc como HTML escolla Ficheiro - Gardar como.

2. Na caixa de lista Tipo de ficheiro, na área que inclúe os outros filtros do Calc do LibreOfficeDev, escolla o tipo de ficheiro «Documento HTML (Calc do LibreOfficeDev)».

3. Introduza un nome de ficheiro e prema Gardar.

Abrir follas de cálculo en HTML

O LibreOfficeDev ofrece varios filtros para abrir ficheiros HTML que se poden seleccionar en Ficheiro - Abrir na caixa de lista Ficheiros de tipo:

• Escolla o tipo de ficheiro «Documento HTML (Calc do LibreOfficeDev)» para abrir no Calc do LibreOfficeDev.

  Todas as opcións do Calc do LibreOfficeDev están agora dispoñíbeis. Porén, non todas as opcións que o Calc do LibreOfficeDev ofrece poden ser gardadas no formato HTML.